شيت إكسل الأجور و المرتبـــات

فهى من أهم الحقوق الأساسية والتى يحب تحقيقها للموظف وهى شىء من الإلتزام لدى رئيس وصاحب العمل تجاة موظفية .

1-أجمالى الأجر:وهو المقابل الذى يدخرة الموظف مقابل عملة وذلك يتم قبل الخصومات.

2-صافى الأجر:وهو الأجر الذى ينتج بعد تحديد الخصومات  - من غيابات وسلف و تأمينات وضرائب.

3-الأجر النقدى:وهى القيمة التى تقدر بها العمل الذى المكلف بة الموظف.

4-االأجر العينى:وهى كالرعاية الطبية والعلاج ومواصلات وغيرة من اشكال خدمات مقدمة من الشركة إلى الموظف.مع حسابها ضمن الأجور المستحقة.
قيد المرتبات
من مذكورين
ح / مصروف المرتبات الادارية
ح / مصروف مرتبات التشغيل
ح / مصروف المرتبات البيعية والتسويقة 
ح / مصروف التأمينات الاجتماعية .. حصة الشركة
الى مذكورين
ح / السلف
ح / الهيئة القومية للتأمينات الاجتماعية.. حصة الشركة والعامل
ح / مصلحة الضرائب - ضريبة المرتبات
ح / النقدية او المصروفات المستحقة


1- لازم وانا بعمل قيد المرتبات افصلهم حسب طبيعتهم يعنى 
يعنى مرتبات الادارة والمحاسبين هقول عليهم المرتبات الادارية ودول هيروحوا المصروفات العمومية والادارية فى قائمة الدخل
ومرتبات العمال بتاعت المصنع هقول عليهم مرتبات التشغيل ودول هيروحوا تكلفة البضاعة المباعة فى قائمة الدخل
ومرتبات مندوبى المبيعات والناس بتاعت التسويق هقول عليهم المرتبات البيعية والتسويقية ودول هيروحوا مصاريف البيع والتسويق فى قائمة الدخل
2- التأمينات الاجتماعية دى فلوس بتدفع شهريا للتأمينات عشان الموظف يبقى ليه معاش ان شاء الله 
وهى بتتحسب نسبة 40 % من المرتب الاساسى للموظف ونسبة تانيه على المرتب المتغير .. مش موضوعنا دلوقتى 
يعنى لو موظف مرتبه 100 ج يبقى عليه تأمينات ب40 ج 
القانون قال الموظف يدفع من مرتبه 14 ج اللى هى حصة العامل والشركة تدفعله 26 ج من جيبها اللى هى حصة الشركة وده مصروف بالنسبة للشركة
وكمان القانون خلى الشركة هى المسئولة انها تخصم 14 ج من الموظف وتحط عليهم 26 ج وبعد كده تروح تسددهم لهيئة التأمينات

 ح / مصروف التأمينات مدين ب26 ج اللى هم الفلوس اللى الشركة بتدفعهم من جيبها
 ح / الهيئة القومية للتأمينات الاجتماعية دائن 40 ج لانه التزام يعنى دين على الشركة لهيئة التأمينات

3- بالنسبة ضريبةالمرتبات او كنا زمان بنقول عليها ضريبة كسب العمل ، قانون الضرايب خلى الشركة هى المسئولة انها تحسب ضريبة المرتبات وتخصمها من الموظف وبعد كده تروح تسدها لمصلحة الضرايب
عشان كده قولنا ح / مصلحة الضرايب دائن لانه التزام يعنى دين على الشركة لمصلحة الضرايب
لما الشركة تسدد نقول
من ح / مصلحة الضرائب - ضريبة المرتبات
الى ح / النقدية او البنك
4- بالنسبة للسلف لما الموظف بياخد سلفه بقول 
من ح / السلف .. ده اصل لى عند الموظف
الى ح / النقدية
ولما اجى اقبضه مرتبه لازم اخصم منه السلفة عشان بقفلها واقول ح / السلف دائن 
5- احنا فى المحاسبة بنمشى وفقا لاساس الاستحقاق يعنى لازم اسجل المصروف ساعة مايستحق على حتى لو لسه مدفعتهوش 
عشان كده اخر الشهر بيستحق على كشركة مرتبات الموظفين فلو انا دفعت المرتبات للموظفين يوم 31 يبقى اقول ح / النقدية دائن
ولو انا هقبض الموظفين فى بداية الشهر الجديد يبقى لازم يوم 31 اخر يوم فى الشهر اثبت مصروف المرتبات يعنى اعمل القيد اللى فوق ده واخلى ح / مصروفات مستحقة دائن لانه التزام يعنى دين على للموظفين 
ولما اقبض الموظفين فى بداية الشهر الجديد اقول
من ح / مصروفات مستحقة
الى ح / النقدية
 سواء هتقبضهم يوم 31 او فى الشهر الجديد فانت هتقبضهم الصافى يعنى مرتبهم - السلف - حصتهم فى التأمينات - ضريبة المرتبات

التحميــــــل

من هنــــــا