مهما كنت متأخر، تقدر تبدأ من جديد

مهما كنت متأخر، تقدر تبدأ من جديد
مهما كنت مضيٌّع، تقدر تبدأ من جديد
مهما ضيعت فرص، تقدر تبدأ من جديد
مهما ضيعت وقت، تقدر تبدأ من جديد
كلنا بلا استثناء بنضيع وقت، وبنضيع فرص، وبنعمل حاجات نندم جدا عليها
وبيجي علينا وقت نحس فيه ان احنا كده او كده مضيعين ومتأخرين...
لكن
لكن
لكن
الفرق بين الانسان اللي بينجح، والإنسان اللي بيعيش في هم وحزن بسبب اللي ضاع
ان الناجح بيقرر انه يقوم دايما يغسل وشه ويبدأ من جديد
يبدأ من الصفر
يبدأ صفحة بيضاء وجديدة
مهما كان اللي فات ومهما كان اللي راح
 انت كده او كده مش خسران حاجة... تبدأ من جديد بطاقة وامل وابتسامة ... افضل مليون مرة لما تكمل تعيش مخنوق بسبب اي حاجة
غلط عملتها
كلنا بنغلط وكلنا بنضيع فرص وكلنا بنضيع وقت
 حتى اشطر وانجح الناس مهما كانوا شاطرين ومهما كانوا ناجحين... مفيش حد مهما كان مش بيضيع فرص
لكن....فيه ناس بتستسلم للهموم، وناس بتقوم تبدأ من جديد
قوم ابدأ من جديد
اتفضل ابدأ من جديد
انت تستاهل فرصة جديدة
انت تستاهل انك تعيش النهاردة وبسمة جميلة مرسومة على وشك الجميل ده